मगरात राज्यको मगरहरुको बाराही मी जोङ चाड के हो?

बाराहीमीजोङ ‘ मगर जातिको एक विशुद्ध ,पारम्परिक र सबैभन्दा मुख्य चाड़ हो । मगर भाषामा ईश्वर वा देवतालाई ‘ बाराही ‘ अनि पूजा वा आराधनालाई ‘ मीनाट ‘ भनिन्छ । आफ्नो परिवार , छरछिमेक एवं समस्त मानव जातिको हित र सुरक्षाको लागि आफ्नो इष्टदेव , पुर्खा तथा कुलदेवताको पूजा – आराधना गरिने दिनलाई ‘ बाराहीमीजोङ ‘ भनिएको हो । यो चाड़ सामान्यत : मङ्सीरको पूर्णिमादेखि शुरु भएर पञ्चमीको दिन भव्यतासाय समापन हुन्छ । वर्षभरिको कुन्दमुलहरु चढाइन्छन् । या चाड़ घर – घरमा र कहिलेकाहीं सार्वजनिक रुपमा पनि मनाउने गरिन्छ ।बाराहीमीजोङको अवसरमा गरिने पूजा घरको मूल अथवा गाउँको मूल या मगर पुजारी भुसालले सञ्चालन गर्ने गर्छ । पूजामा कुनै विशेष आकृतिलाई पुजिंदैन । सात तला भएको त्रिकोणीय आकारमा निर्माण गरिएको बाराहीइम ( मन्दिर ) – मा फलफूल , कन्दमल र सतबीउ – पलबीउ , चामल , अण्डा आदि अर्पण गरीधप ( सूनपाती – भैरुङपाती ) र दीप बालिन्छ । बाराही ( देवता ) – को रुपमा आफ्ना सारा कूलदेवता , पूर्खाहरु अनि इष्ट देवहरुको स्मरण गर्दै आराधना गरिन्छ । झाँक्रीवादी मगरहरुद्वारा मङ्सिर पूर्णेको दिन सुगुर , भेड़ा , बाखा वा कुखराको पनि बलि दिइन्छ । पूजा सकिएपछि पुजारीको हातबाट काँचो वा पोलेको सकरखण्ड र बन तरुलको टिका लगाइन्छ । त्यसपछि काँचो सानो अंश खाईवरी आफूभन्दा ठूला – बढ़ालाई ढोग गरिन्छ । मङ्सीर पूर्णिमाको दिन नै ‘ बाराही – लाई जल , धूप – दीप र पाती चढ़ाएर जगाइन्छ अनि चार – दिनसम्म दिनहुँ आराधना गरेर समापन गरिन्छ । यो पाँच दिन लामो अवधिभित्र छोरी – चेली आफ्नो बाबु – माइतीकहाँ आउने गर्छन् अनि दान – दक्षिणासहित आशीर्वाद प्राप्त गर्ने गर्दछन्।
स्रोत:मगर संघ भारत
तपाइलेDigital currency exchangers

Facebook Notice for EU! You need to login to view and post FB Comments!