काठमाडौं। नेपाल सरकारको माननिय गृहमन्त्री रामवहादुर थापा मगर’वादल’ ले लिपुलेकमा तैनाथ आफ्ना सुरक्षाकर्मीलाई यस क्षेत्रमा तैनाथ भारतीय सेनाका गतिविधिहरु सूक्ष्म रुपमा अनुगमन गर्न निर्देशन दिएको छ । भारत र चीनबीच सीमा विवाद चर्किएका बेला नेपाल सरकारले यहाँ तैनाथ आफ्ना सुरक्षाकर्मीलाई यस्तो निर्देशन दिएको समाचार एजेन्सी आइएएनएसले जनाएको छ । कालापानीको शीर्षमा पर्ने लिपुलेक नेपाल, भारत र चीनको त्रिदेशीय सीमा क्षेत्र हो ।
गृह मन्त्रालयले सीमामा तैनाथ सशस्त्र प्रहरी बललाई त्रिदेशीय सीमामा अनुगमन सुरु गर्न निर्देशन जारी गरेको हो । लिपुलेकमा सशस्त्र प्रहरीको ४४ बटालियन तैनाथ छ । सशस्त्रले भारत र चीनबीच सम्भावित तनावलाई मध्यनजर गर्दै लामो दूरीको गस्तीको लागि आग्रह गरेको छ । लिपुलेकमा चीनले पनि सैनिकको संख्या बढाएको छ । उसले त्रिदेशीय सीमामा १५० सैनिकसहितको लाइट कम्बाइन्ड आर्म्स ब्रिगेड तैनाथ गरेको छ । यो ब्रिगेड गत महिनाम मात्र यहाँ आएको हो । चीनले सीमाबाट १० किलोमिटर दूरीमा रहेको पालामा पनि सैन्य शक्ति बढाएको छ । जुलाइमा पालानजिकै चीनले स्थानी पोस्ट स्थापना गरेर १० हजार सैनिक तैनाथ गरेको थियो । ‘२ हप्तापछि नै त्यहाँ २ हजार थप सैनिक तैनाथ गरिएका छन्’ स्रोतले भन्यो ।
भारतले लिपुलेक क्षेत्रमा सडक निर्माण गरेपछि यसले नेपाल र भारतबीच कूटनैतिक तनाव बढाएको थियो । काठमाडौंले यो क्षेत्र आफ्नो भएको दावी गरेको थियो । भारतले यो सडक कैलाश मानसरोवर जाने तीर्थयात्रीलाई सहज बनाउन निर्माण गरेको बताएको थियो । तनाव बढ्दै गएपछि नेपालले यी क्षेत्र आफ्नो भूभागभित्र समेटेर नयाँ राजनैतिक नक्सा समेत जारी गरेको थियो ।
उता भारत र चीन पनि गएको मे महिनादेखि सीमाका विभिन्न क्षेत्रहरुमा भिडिरहेका छन् । चीनले लाइन अफ एक्चुअल कन्ट्रोलका कैयौं क्षेत्रमा भारतीय भूभागभित्र प्रवेश गरेर त्यहाँको यथास्थिति परिवर्तन गरेको छ । भारतले यसमा आपत्ति जनाएको छ र भारत र चीनबीच विभिन्न तहका वार्ताहरु भइरहेका छन् ।
तपाइलेDigital currency exchangersयो पनी पढौ:रोल्पाका विपन्न तथा गरिब २६ सय घरका खरको छानो जस्तामा परिणत हुने:चुनावी प्रतिबद्धता पुरा गर्दै ऊर्जा, जलस्रोत तथा सिंचाईमन्त्री वर्षमान पुनमगर ‘अनन्त’
•देशैभर थप कोरोनावाट ६ जनाको मृत्यु मृतकको संख्या ३१२ जना पुग्यो।
•भोलिदेखि के खुल्छ? के खोल्न पाइदैन? जोर विजोर लागु हुने।
•आदिवासी जनजाती आन्दोलन असफल भएको हो?
•देशैभर विभिन्न ६ जिल्ला कोरोनाभाइरस संक्रमणमुक्त
•प्रधानमन्त्री ओलीले अर्थ र सञ्चार तथा सूचना प्रविधि मन्त्रालयको जिम्मेवारी सम्हाल्यो
•विचल्ली परेका तुरुन्त उद्धार गर्न र यथोचित राहात प्रदान गर्न नेपाल सरकारको सम्वन्धित निकायलाइ नेपाल मगर संघको जोड्दार माग
•भिक्टोरिया क्रसप्राप्त स्वर्गिय तुलवहुादुर पुन मगरको नाममा रेलसेवा नामकरण गर्ने
मार्फत पनि हामीसँग जोडिन सकिनेछ ।
